मंसिरमा चुनाव नभए कस्तो अनिष्ट ?

हजुरको माया भनेको लाइक हो तसर्थ लाइक गरी सहयोग गर्नुहोला!!!

भिडियो हेर्न तल क्लिक गर्नुहोस् !

११ बैशाख, काठमाडौ । उपराष्ट्रपति परमानन्द झाले मंसीरमा पनि निर्वाचन नभए मुलुकमा राजनीतिक अनिष्ट उत्पन्न हुने भन्दै जसरी भएपनि निर्वाचन गर्नुपर्ने बताएका छन् । निर्वाचनका लागि सरकार, राजनीतिक दल र सबैले मद्दत गर्नुपर्ने उनको भनाइ थियो । यद्यपी आज उनले कस्तो अनिष्ट भन्ने नबताएपनि राष्ट्रपतिले चुनावी सरकारको नेतृत्व गर्नुपर्ने आशय व्यक्त गर्दै आएका छन् ।
लोकतन्त्र दिवसको अवसरमा उपराष्ट्रपति कार्यालय बहादुर भवनमा आयोजित कार्यक्रममा चियापान कार्यक्रममा उपराष्ट्रपति झाले निर्वाचनको माहौल बनाउनुपर्ने बताएका हुन् । निर्वाचनका लागि मौसम बाधक नबन्ने भन्दै दलहरू तयार भए वातावरण आफै बन्ने उल्लेख गरे ।
चियापान कार्यक्रममा अन्तरिम मन्त्रीपरिषदका अध्यक्ष खिलराज रेग्मीले निर्वाचन प्रक्रिया अघि बढेको भन्दै मंसीरमै चुनाव हुने दावी गरे । मतदाता नामावली संकलनको काम भइरहेको तथा अन्य प्रक्रिर्या जारी रहेका कारण मंसीरमै निर्वाचन हुने उनले जिकिर गरेका छन् ।
कार्यक्रममा नेकपा एमाले अध्यक्ष झलनाथ खनाल लगायत विभिन्न दलका नेता, सरकारी अधिकारी, कुटनीतिक नियोगका प्रतिनिधि लगायतको सहभागिता रहेको थियो । सरकारी तबरबाट लोकतन्त्र दिवसमा कुनै कार्यक्रम नभएपनि उपराष्ट्रपति झाले चियापान कार्यक्रमलाई निरन्तरता दिएका छन् ।

माथि को भिडियो खुलेन भने तल को भिडियो मा क्लिक गर्नुहोश!

Category: Latest News