१६ वैशाख, काठमाडौं । सोमबार नेपाल टेलिकमको शेयर मूल्य १८ रुपैयाँ घटेपछि सिंगो नेप्सेमा हलचल आएको छ । टेलिकमको शेयर मूल्यमा भारि गिरावट आएपछि नेप्से परिसुचक परिसुचक २ दशमलव ६६ अंकले तल झरेर ५ सय २ पुगेको छ । सोमबार टेलिकमको शेयर प्रतिकित्ता ५ सय ५० रुपैयाँमा कारोबार भयो ।

आइतबारको तुलनामा सोमबार बैंक र हाइड्रोपावर समूहको कारोबारमा सुधार देखिएपनि इन्स्योरेन्स समूहको कारोबारमा सोमबार पनि सुधार आउन सकेन् । यस समूहको कारोबारमा १२ दशमलव ४९ अंकले गिरावट आएको छ । होटेल समूहको कारोबार भने आइतबार र सोमबार दुबै दिन स्थिर रहन पुग्यो ।

स्टकमा कारोबार गर्ने कम्पनीहरुमध्ये नेपाल लाइफ इन्स्योरेन्सको शेयर मूल्य सबैभन्दा बढी ५० रुपैयाँ घटेर कारोबार भयो । १ सय २० कित्ता कारोबार गरेको कम्प्नीको शेयर मूल्य १ हजार २ सय ५५ रुपैयाँमा झर्‍यो । सिटिजन इन्भेष्टमेन्ट ट्रष्टको शेयर मूल्य २० रुपैयाँ घटेर १ हजार ३ सय ५० रुपैयाँ कारोबार भयो भने एभरेष्ट बैंकको शेयर मूल्य १० रुपैयाँ घटेर १ हजार ५ सय ५० रुपैयाँमा कारोबार भयो । लाइफ इन्स्योरेन्सको शेयर मूल्य १० रुपैयाँ घटेर ९ सय ९० रुपैयाँमा कारोबार भयो ।

बुटवल पावर कम्पनीको शेयर मूल्य १५ रुपैयाँ बढेर ७ सय ६५ रुपैयाँमा, स्ट्यान्डर्ड चार्टडको १५ रुपैयाँ बढेर १ हजार ८ सय १५ रुपैयाँमा र सगरमाथा इन्स्योरेन्सको १५ रुपैयाँ बढेर १ हजार १० रुपैयाँमा कारोबार भयो ।

 खाँदबारी र विराटलक्ष्मी मर्ज हुने

सोलुखुम्बुको खाँदबारीमा प्रधान कार्यलय रहेको खाँदवारी विकास बैंक र विराटनगरमा प्रधान कार्यलय रहेको विराटलक्ष्मी बैंक मर्ज हुने भएका छन् । मर्ज प्रकृया सुरु भएपछि नेपाल स्टक एक्स्चेञ्जमा दुबै बैंकको शेयर कारोबार रोकिएको छ ।

हकप्रद शेयर निष्काशन गर्ने भएपछि नेपाल बैंकको शेयर कारोबार बैशाख २६ गतेदेखि बन्द हुने भएको छ । बैंकलाई नेपाल धितोपत्र बोर्डले आइतबार हकप्रद शेयर निष्काशन गर्न अनुमती दिएको थियो । बैंकले एक शेयर बराबर साढे ९ प्रतिशत हकप्रद शेयर निष्काशन गर्दैछ ।