११ बैशाख, काठमाडौं । सुरक्षाको माग गर्दै नेपाल उद्योग वाणिज्य महासंघले मन्त्रिपरिषदका अध्यक्ष खिलराज रेग्मीलाई ज्ञापनपत्र बुझाएको छ ।

महासंघका उपाध्यक्ष एवं नेपाल मुरारका अर्गनाइजेशनका निर्देशक पशुपती मुरारकाको गाडीमा मंगलबार आक्रमण भएपछि दोषीमाथि कारबाही र सुरक्षाको माग गर्दै उद्यागीहरुले ज्ञापनपत्र बुझाएका हुन् । ज्ञापन पत्र बुझाउन उद्योगीहरुको टोली प्रधानमन्त्री निवास बालुवाटार गएको थियो ।

प्ाछिल्लो समय उद्योगी-व्यवसायीहरुमाथि संाघातिक आक्रमणका घटनाहरु ब्ाढ्दै गएको जानकारी दिँदै महासंघले अध्यक्ष रेग्मीलाई आपराधिक क्रियाकलापमा संलग्न सबैलाई कारबाहीको माग गरेको छ ।

मुरारका चढ्ने गाडि ४ जनाको समूहमा आएका व्यक्तिहरुले ईट्टा र हृयामरले हानेर तोडफोड गरेका थिए । तोडफोडको क्रममा सीसा उछिट्टएिर लागेपछि ड्राईभर सामन्य घाईते भएका छन् । तोडफोड गर्ने बेलामा मुरारका कार्यलयमा हुँदा ठूलो क्षति हुन पाएन् ।

नेपाल उद्योग परिसंघले मुरारकामाथि भएको आक्रमणको निन्दा एवं भत्सर्ना गरेको छ । परिसंघले बुधबार विज्ञप्ती जारि गरि मुरारकामाथि आतंकवादी शैलीमा आक्रमण भएको बताएको छ । पछिल्लो समय उद्योगी-व्यवसायीमाथि आक्रमणका श्रृङ्खला बढ्दै गएका र यस्ता घटनाले व्यवसायीक वातावरण विगार्ने भन्दै परिसंघले चिन्ता व्यक्त गरेको छ ।

‘मुलुकको लगानी, आर्थिक एवं व्यवसायीक वातावरण खल्बलाउने दुरासयले गरिएको यस्तो आक्रमण जुनसुकै ब्यक्ति वा समूहबाट भएको भएपनि हदैसम्मको कारबाही गर्नुपर्छ’ परिसंघद्धारा जारि विज्ञप्तीमा भनिएको छ ।