हामीकहाँ असार पन्ध्रमा हिलोमा टेक्नुपर्छ भन्ने मान्यता छ । कृषि प्रधान देश भएकाले मानो रोपेर मुरी फलाउने किसानका लागि असार पन्ध्र एउटा पर्व नै हो । असारमासको दबदबे हिलो भन्ने त टुक्का नै छ । हिलोमा रोपाहार तथा अरु मान्छेहरु लडीबुडी गर्छन् खेतमा । पोखरातिर त अझ हिलोमा दौडने प्रतियोगिता नै हुन्छ ।

हिलोमा दौडने प्रतियोगिता हाम्रोमा मात्र होइन बेलायतमा पनि हुन्छ । बेलायतको एसेक्स क्षेत्रमा माल्डोन नदिको किनारामा रहेको हिलोमा वर्षेनी हिले दौड हुन्छ र यो पटकको हिले दौडमा झण्डै ३ सय जनाले माग लिए । उक्त हिले दौड हेर्न बगटन हाउस क्षेत्रमा १४ हजार मान्छे भेला भए । हिले दौडमा विभिन्न चर्चित खेलाडिहरु पनि सहभागि थिए ।

गन्हाउने कुहेको हिलोमा हुने उक्त मालडन मड रेस मा के महिला के पुरुष तँछाडमछाड गरिरहेका थिए । हेरौँ हिले दौडका दृश्य